அதிகம் அனுபவித்த ஆண்கள் பட்டியல்..

ஒரு முதலிரவுக்கே இங்கு பிரச்னை என்றால், பலமுறை இதை அனுபவித்தவர்களை வரலாற்றுக் குறிப்புகளில் இருந்து பட்டியல் போட்டிருக்கிறார்கள். இந்த டாப்-5 பட்டியல் சுவாரஸ்யமானது.

இதில் முதலிடம் பிடிப்பவர், தன் பெயரைச் சொல்ல விரும்பாத, 1900&ம் ஆண்டு பிறந்த ஒரு நபர். செக்ஸ் ஆராய்ச்சியாளர் கின்ஸி எடுத்த செக்ஸ் சர்வேக்குத் தன்னைப் பற்றிய தகவல்கள் அடங்கிய டைரியை இவர் கொடுத்தார். வாரத்துக்கு 33 தடவை இவர் செக்ஸ் வைத்துக் கொண்டார். முப்பது ஆண்டுகளில் மொத்தமாக சுமார் ஐம்பத்தி இரண்டாயிரம் தடவை! பெரும்பாலும் ஒவ்வொரு தடவையும் புதுப் பெண்கள்.

இரண்டாவது இடம்& வில்ட் சேம்பர்லைன் (1936&2000) என்ற புகழ்பெற்ற கூடைப்பந்து விளையாட்டு வீரருக்கு சொந்தமாகிறது. தனது வாழ்நாள் முழுக்க சுமார் இருபதாயிரம் பெண்களுடன் உறவு வைத்துக் கொண்டதாக சுயசரிதையில் எழுதியிருக்கிறார். விடுமுறை நாட்களில் கும்பல் கும்பலாக இளம் ரசிகைகள் இவரைத் தேடிவந்து படுக்கையில் விழுவார்களாம்

மூன்றாவது இடத்தில் இருப்பவர், முன்னாஷீமீ சவூதி அரேபிய அரசர் இபின் சாத் (1880&1953). பதினோரு வயதில் முதல் முதலிரவை ஆரம்பித்த இவர் 73 வயதில் இறக்கும் வரை செக்ஸ் விஷயத்தில் துடிப்போடு இருந்தார். இவருக்குத் தினமும் மூன்று பெண்கள் கண்டிப்பாக வேண்டும். உடம்பு சரியில்லாத போதும், போரில் ஈடுபட்டு இருக்கும்போதும் மட்டும் பெண்களைத் தேடமாட்டார். இவரது வாழ்க்கைக் குறிப்புகளைக் கூட்டிப் பார்த்தால், வாழ்நாளில் இவர் படுக்கையில் சந்தித்த பெண்களின் எண்ணிக்கை இருபதாயிரம்.

நான்காவது இடத்தில் இருப்பவர், ஜான் கர்டிஸ் ஹோம்ஸ். செக்ஸ் இவருக்குத் தொழில். ஆமாம்... இவர் நீலப்படங்களின் கதாநாயகன். பன்னிரண்டு வயதில் தனது அம்மாவின் தோழி ஒருவரிடம் கன்னித்தன்மையை இழந்தார் ஹோம்ஸ். செக்ஸில் தனக்கு ஏதோ அசாத்திய திறமை இருப்பது, அப்போதே அவருக்குப் புரிந்தது. நீலப்படங்களில் நடிக்க ஒரு நாளைக்கு மூன்றாயிரம் டாலர் சம்பளம் வாங்கினார். இதுதவிர நிறைய பெண்கள், படத்தில் அவரது ‘திறமையை’ப் பார்த்துவிட்டு, இதைக் கற்றுக்கொள்ள அவரைத் தேடிவந்தனர். கேமராவுக்கு முன்னாலும், பின்னாலும் இவர் உறவுகொண்ட பெண்களின் கணக்கு பதிநான்காயிரம்.

பிரிட்டனின் ஏழாம் எட்வர்டு மன்னர் (1841&1910) ஐந்தாம் இடத்தில் இருக்கிறார். இளமையில் கண்டிப்புடன் வளர்க்கப்பட்ட அவர், அரியணை ஏறியதும் அப்படியே மாறினார். மது, மங்கை, சூது, விளையாட்டு... இதைத் தவிர வாழ்க்கையில் அவருக்கு வேறு எதுவும் தேவைப்படவில்லை. மனைவி அவரைக் கண்டுகொள்ளாமல் விட, வாரத்துக்கு மூன்று புதுப் பெண்களைத் தனது படுக்கைக்கு அழைத்து வந்தார். முதுமையின் தள்ளாட்டத்திலும் இது தொடர்ந்தது. இவரது கணக்கு ஏழாயிரத்து எண்ணூறு. ஆண்களைப்போலவே பெண்கள் பட்டியலும் இருக்கிறது!

உயிர் எனும் நூலில் இருந்து எடுக்கப்பட்டது..